محامين جدول عام

#اول_طريق_النجاح

بسم الله ،،

"اعظم استثمار ممكن تحققه هو انك تطور من نفسك" 

السطر ده لو آمنت به وخليته اسلوب حياتك الفترة اللي جاية ثق انك هتوصل لكل احلامك ولابعد منها كمان 🎯

طيب ازاي تستثمر ؟! 

ده اللي هتعرفه هنا بس ركز في كل حرف علشان هوضحلك اهم #استراتيجية ممكن تشوفها في حياتك المهنية وبعد كدة هتعرف ازاي الاستثمار بيتم 🏅

#استراتيجية_تاء وده ملخصها 

المحامي ما هو إلا :

1️⃣- مهارات 

2️⃣- ادوات

3️⃣- فنيات

يسعي لتكوين :

1️⃣- خبرات

2️⃣- علاقات

ليحقق :

1️⃣- انجازات

دول السر لتحقيق احلامك بدون مبالغة ( 3️⃣ - 2️⃣ - 1️⃣ ) 

طيب ازاي بقي استثمر في نفسي بشكل يخليني في فترة لا تتجاوز مرحلة التدريب #جدول_عام اكون محامي ناجح جدا ومتميز  ؟!

هنا اقدر اقولك :

هتحاول تكتسب اكبر قدر ممكن من (المهارات - الادوات - الفنيات) لتكوين سجل متميز من (الخبرات - العلاقات) علشان تحقق كم محترم من (الانجازات) 

#استراتيجية_تاء مش مجرد معلومة وخلاص .. ده منهج وحالة بتعيشها طول وقت شغلك .. علشان شروط النجاح بتطلب : 

#هدف واضح عايز تحققه + #برنامج عملي ماشي عليه + #تقييم نهائي للمحاسبة

(ان شاء الله هيكون في بوست منفصل ازاي يكون لك خطة بجدول زمني لاحلامك)

إكتساب + تكوين + تحقيق = محامي ناجح ومتميز

📌المهارات : هي كل فعل تقدر تعمله بشكل احترافي ويعود عليك بالنفع وهما ثلاث انواع 

(الفكرية - التواصل - التنفيذ) 

علي سبيل المثال : مهارة التخطيط - مهارة التفاوض - مهارة ادارة الافراد .

📌الادوات : هي كل حاجة حواليك ممكن تستخدمها في انجاز الهدف اللي بتسعي اليه وهما ثلاث انواع 

(السمت - التكنولوجيا - المقتنيات)

علي سبيل المثال : الابتسامة - اللاب توب - البدلة

📌الفنيات : هي كل حاجة بتعرف تعملها في مجالك بشكل مؤثر وفي مجال المحاماه ثلاث انواع 

(المرافعات - الكتابة - الاجراءات) 

علي سبيل المثال : المرافعة الشفوية - كتابة مذكرة بدفاع - استخراج شهادة من واقع الجدول 

📌الخبرات : ده بقي مجموع الثلاث محاور السابقين مجتمعة افعالك اللي استخدمت معها ادواتك مع توظيف فنياتك صح .

مثال : مهارة الالقاء مع بدلة حلوة في مرافعة شفوية مترتبة = براءة لموكلك

📌العلاقات : ده بتتكون مع الوقت ومع كثرة الاحتكاك في الوسط القانوني وبتكون علاقتها طردية مع الخبرات .

مثال : مرافعة متميزة ثم كلمة حلوة من زميل اخدت رقم تليفونه = بقيته اصحاب

📌الانجازات : ده بقي خلاصة تجربتك .. لما تضرب كل اللي فوق ده في خلاط واحد وتقدر تحقق انجاز في إنصاف مظلوم او رد حقوق .. انجازاتك في القضايا التي تكسبها بامانة وصدق .. الاعمال التي تمت باشرافك بعد تعب ومجهود .

ساعتها فقط هتلاقي ( الفلوس - المكانة ) بيجولك لحد عندك 🕶

انا كدة اديتك اعظم هدية 🎁 ممكن تاخدها مني في حياتك لان بدون مبالغة علي يقين ان لو ركزت في #استراتيجية_تاء ده هييجي يوم وتشوف مكانك هو نفس اللي حلمت به وفي وقت قياسي كمان 📆

انا طولت حبتين بس ربنا يعلم البوست ده مش مجرد كلام ده تعب سنين انا بدهولك بدون اي مقابل 💰 كل املي بصدق ان زملائي الاعزاء يستفادوا ونقدر كلنا نحقق احلامنا باذن الله <3 

#جدول_عام

#منصة_تعليمية

#شباب_المحامين