السلام عليكم .. زملائنا الاعزاء 🙂
قوانين النجاح في الحقيقة لا تحابي احد .. وزي ما كل الناس حافظة " ان لكل مجتهد نصيب "
بس كتيير مننا مش عارف يجتهد فين علشان يحقق النجاح الحقيقي الذي يليق به !!
في البوست ده هنحاول نركز في ثلاث مواضيع فقط تمثل محاور النجاح الحقيقية للمحامي .. امور لا غني عنها لاي محامي مبتدئ لازم يركز عليها علشان تكون بدايته موفقه 🤩
هندخل في الموضوع علي طول
المحور الاول : الخبرة العملية
الخبرة كلمة كبيرة جدا وتكاد تعريفها يكون غير قابل للحصر .. لكن خلينا نتفق ان الخبرة في مهنتنا متمثلة بكل بساطة في مباشرة عملية التقاضي ومعرفة تسلسل الاجراءات .. او بمعني ادق تكون عارف الدعوي ايا كان نوعها ايه هو سير اجراءاتها وايه المطلوب منك تنفيذه بشكل يحافظ علي نجاحك وتحقيق الهدف من الدعوي المقامة .
علشان كدة الخبرة في المحاماه عايزة ممارسة واطلاع .. ممارسه علشان تكون المعلومة واضحة لك والاطلاع علشان تكمل ما نقص منك من معلومات ضرورية لنجاح الدعوي ايا كان نوعها .
المحور الثاني : العلاقات الاجتماعية
العلاقات الاجتماعية هي راس مال المحامي بلا منازع .. كل ما دائرة علاقات المحامي اتسعت وكبرت كل ما فرصته في مباشرة دعاوي هيكون اكبر .. لان المحاماه في الاساس تقوم علي الثقة .. والثقة موجودة في العلاقات الاجتماعية سواء في نطاق الاهل او الاصدقاء او المعارف بشكل عام .
علشان كدة المحامي لازم يركز اوي في بناء علاقات اجتماعية بشكل مستمر لان ده زي ما قولنا هو راس مال المحامي .
المحور الثالث : الادوات الشخصية
الادوات هي كل الاشياء اللي بتسهل علي المحامي القيام بدوره علي اكمل وجه .. وهي اللي بتعطيله قيمة في كثير من الاوقات .. زي مظهره اللائق مكتبه المنظم وتفاصيل تانية كتيير بتساعده انه يقدر يحقق الصورة المطلوبة التي تليق به الي جانب انها بتساعده في تحقيق اهدافه بشكل قوي .
المحاور الثلاثة دول مهمين اشد ما يكون .. واي محامي لسه في بداية الطريق محتاج بجد يركز انه يبني الاساس بتاعه كويس جدا علشان النهايات تكون كما يريد .
تذكر دائما معادلة النجاح ومتخليش يوم يعدي إلا وانت واخد خطوات مهمة في تحقيق انجازات في الثلاث محاور .. اوعي تخلي يوم يعدي إلا وانت متعلم حاجة جديدة او بنيت علاقة جديدة او اكتسب اداة مهمة في طريقك للنجاح 💪
نتمني لحضراتكم دوام التوفيق ✋
#جدول_عام
#منصة_تعليمية
#شباب_المحامين
