#شؤون_نقابية
السلام عليكم ورحمة الله :)
اكثر من زميل سألنا عن اجراءات استخراج البطاقة الضريبية .. في البوست ده هنكلمكم عن اهم الاسئلة الشائعة بخصوص البطاقة الضريبية 👇
الاوراق المطلوبة ؟!
صورة كارنيه المحاماه
صورة من المؤهل الدراسي
صورة من بطاقة الرقم القومي
صورة من اخر وصل كهرباء
صورة من عقد ايجار المكتب
الاعفاء الضريبي كام سنة ؟!
الاعفاء الضريبي خمس سنين من اول تسجيلك للبطاقة و 3 سنين من نقل القيد لابتدائي .
ليه لازم استخرج البطاقة الضريبية ؟!
علشان سببين مهمين :
علشان مش هينفع تنقل قيدك من جزئي لابتدائي
علشان لو جالك اي شغل خاص تقدر تشتغله في مرحلة الجزئي
كل متي اقدم الإقرار الضريبي ؟!
كل عام عليك بتقديم اقرار ضريبي .. والجميل ان شاء الله من اول 2020 هيكون الكترونيا يعني مفهاش اي وقت ولا مجهود ان شاء الله .
العنوان اعمله علي فين ؟!
اعمله علي عنوان سكنك مفيش اي مشكلة علشان يبقي سهل يتغير لما باذن الله تفتح مكتب خاص بك ان شاء الله .
الوقت المطلوب لإستلام البطاقة ؟!
21 عشرين يوم من تاريخ تقديمك للاوراق .. والجميل انهم بيدوك افادة تقدر تستخدمها في رفع اي دعوي علشان لو جالك شغل خاص بك .
رسوم استخراج البطاقة الضريبية ؟!
بدون اي رسوم نهائيا .
اعرف ازاي المأمورية التابع لها ؟!
بتروح اقرب فرع يقابلك لمأمورية ضرائب المهن الحرة او بتكلمهم علي الرقم الأتي : 19897 - 0227929911
#جدول_عام
#منصة_تعليمية
#شباب_المحامين