اهلا بحضراتكم .. بوست جديد تكملة لما سبق 💪
هنتكلم فيه عن القوانين الحاكمة للدعوي الجنائية .. الموضوع كبير بس بصراحة يستحق 👍
لان كثير مننا في بداية عمله في المحاماه بيكون تايه !!
ولان المحامي اللي حابب يتخصص في الدعوي الجنائية هيكون مسؤول عن حرية الناس بل ارواحهم احيانا .. فصعوبة الامر تكمن في هذه النقطة ☝️
وعلشان لا نطيل .. الامر باختصار شديد له شقين :
📌 قانون العقوبات : وده المسؤول عن تحديد ما هو يعد كفعل جريمة يعاقب عليها القانون وما هي العقوبة المقررة لكل جريمة .
📌 قانون الاجراءات الجنائية : وده المسؤول عن تحديد كافة اجراءات التقاضي وماهية قانونية الاجراء المتبع لاثبات الجريمة .
طيب ازاي اقدر انجح في مجال الشغل الجنائي ؟!
تركز ان يكون تحركك في الاتجاهين مع بعض .. يكون عندك اطلاع دائم علي نصوص القانون الموضوعية فيما يتعلق بالعقوبات المحتلفة .. زي مثلا :
جريمة القتل .. تعرف عنها كل حاجة .. الترصد - الاصرار - القتل بالجواهر - العمد - الاهمال - اخفاء الجثة .. وهكذا انت هتمسك الجريمة تعرف عنها كل حاجة .. وتدرسها كويس تفهم المواد المتعلقة بيها وشروحها بشكل عميق .
وبعد كدة تمسك نصوص المواد الاجرائية .. تفهم حالات التبلس اوامر الضبط .. البحث الجنائي .. الطب الشرعي .. وتعرف تحقيقات النيابة وتجديدات النيابة .. ازاي تطعن علي الحكم .. وهكذا .
انت كدة ببساطة
محتاج تركز في قانون العقوبات لانه سبيلك لفهم الجرائم باختلاف طبائعها .. ومحتاج تركز في قانون الاجراءات لانه سبيل لفهم اجراءات التقاضي باختلاف مراحلها ⚖️
امشي بالتوازي في فهمك ونوع من اطلاعك .. والممارسه هي استاذك بعد استاذك في المكتب 🥇
استنونا في البوست القادم هنتكلم عن طرق تحريك الدعوي الجنائية
#جدول_عام
#منصة_تعليمية
#شباب_المحامين
