مساء الخير زملائنا الافاضل في جروب جدول عام🖐️🖐️
اليوم باذن الله احنا هنتكلم عن طريق من طرق الطعن العادية
👈وهو طريق الطعن بالمعارضة
طبعا احنا دايما بنسمع عن فلان صدر عليه حكم غيابي بحبس مدة معينة مثلا والمحكوم عليه بيكون في منتهي القلق بسبب الحكم الغيابي ده بمشيئة الله هنحاول نوضح ايه الإجراء اللي لازم يتم لتفادي الحكم الغيابي وهو الطعن بطريق المعارضة
👈احنا هنا هنحاول نوضح الأمر بطريقة مبسطة علي قدر الامكان
اولا : ما هي المعارضة
ثانيا : ما هي مواعيد الطعن بالمعارضة
ثالثا: ما يترتب علي عمل المعارضة
رابعا: اجراءات عمل المعارضة في المحكمة
✍️بداية المعارضة كتعريف هي احد طرق الطعن في الاحكام التي تصدر غيابيا في الجنح والمخالفات .
اول شرط من شروط عمل المعارضة. انه يكون الحكم غيابي
يعني صدر في غيبة المتهم ولم تتح له فيه امكانية الدفاع عن نفسه
👈 تاني حاجة من شروط عمل المعارضة ان يكون الحكم صادر في جنحة او مخالفة يعني مش في جناية لو في جناية الطعن فيها بيكون بطريق النقض علطول
ثانيا مواعيد الطعن بالعارضة 🕰️
القانون أوجب ان يتم الطعن بطريق المعارضة في ظرف العشرة أيام التالية لتاريخ اعلان الحكم للمتهم وموضوع اعلان المتهم بالحكم ده فيه شوية كلام وهو لابد و ان يكون الاعلان لشخص المتهم او في محل اقامته سواء مع احد افراد اسرته او جيرانه او تابعه وده المقصود منه انه ما ينفعش انه يتم اعلان المتهم في جهة الادارة او اعلانه عن طريق النيابه العامة والا كان الاعلان غير صحيح ويظل باب الطعن بالمعارضة مفتوحا للمتهم .
ثانيا: ما الذي يترتب علي عمل المعارضة
( أ ) عدم جواز تنفيذ الحكم الغيابي
المتهم لما بيعمل معارضة بيتفادي تنفيذ الحكم الصادر ضده يعني لا يجوز تنفيذ الحكم عليه لإن التنفيذ دايما بيكون في الاحكام الصادرة بصورة نهائية او التي استنفذت طرق الطعن العادية وبناء علي ذلك ينهار الحكم الغيابي الذي صدر من المحكمة ولا يجوز مع ذلك حبس المتهم او تقييد حريته لكن في استثناء من الاصل بيرد بنص المادة 468 من قانون الإجراءات الجنائية التي نصت في فقرتها الأولى على أن «للمحكمة عند الحكم غيابياً بالحبس مدة شهر فأكثر إذا لم يكن للمتهم محل إقامة معين بمصر أو إذا كان صادراً ضده أمر بالحبس الاحتياطى أن تأمر بناءً على طلب النيابة العامة بالقبض عليه وحبسه».
،👈و طبعا لو الحكم مضي عليه اكتر من ثلاث سنوات من حين صدوره ولم ينفذ. هنا تنقضي الدعوي الجنائية بمضي المدة
( ب ) ان الطاعن لا يضار بطعنه
يعني القاضي في جلسة المعارضة ما ينفعش يصدر حكم يسبب ضررا أكبر للمتهم من الضرر الذي يلحقه في الحكم الغيابي
ثالثا : اجراءات عمل المعارضة في المحكمة
اول حاجة بتعملها. انك بتتوجه لمكتب التنفيذ اللي في المحكمة وبيكون معاك صورة بطاقة المتهم وصورة التوكيل بتاعك وبتقوله انا عايز اعمل معارضة
هيقولك رقم الحصر ايه يا استاذ لو انت عارفه بتديهولو مش عارفه بتروح تجيبه من الجدول
بعد ما بتديه رقم الحصر بيطلعلك الملف وبيقدر رسم عليه بتروح تدفعه في الخزنة وترجعلوا تاني وتقر بالمعارضة في الدفتر عندو وبيحددلك جلسة المعارضة 🖋️🖋️
دي لمحة مبسطة عن المعارضة في بوست قادم ان شاء الله هنحاول نبين تفاصيل اكتر من كدة 📝
