مساء الخير زملائي الأعزاء 😃
يارب تكونوا بخير😀😀
هنكمل كلامنا عن الهيكل التنظيمي للمحاكم
واللي هنتكلم عنه النهارده هو واحد من أهم الأقلام اللي بنتعامل معاها يوميا في المحكمة ومش بنركز في تفاصيله وبياخد وقت كبير علشان نفهمه ونحفظ إجراءاته
وهو شبح المحكمة القلم المدني😂
عايزين نعرف بيتكون من ايه واختصاص كل قلم فيه هنتكلم عن قلم الجدول و قلم الجلسات في البوست ده:
1_ قلم الجدول✏ :
وده مختص بقيد صحف الدعاوي وكتابة بيانات الخصوم وتسديد اول بأول ما تم في القضايا وتحديد ميعاد اول جلسة وكتابة جميع الشهادات اللي بتطلبها علي سبيل المثال : شهاده من واقع الجدول
تنبيه :
في محاكم بيبقي فيها مكتب امامي وهو اللي بيقوم بكل إجراءات رفع الدعوي وتسجيلها علي الكمبيوتر وبيديلك إيصال فيه تاريخ أول جلسه والدائرة والخصوم
2_ قلم الجلسات✏ :
(سكرتير الجلسة أو أمين السر الاتنين واحد )
وده بيستلم ملفات القضايا من الجدول وبيأيدها في يومية الجلسات وعمل الرول
وده اللي بيكتب ورا القاضي في الجلسة وبيبقي معاه الأجندة الخاصة بالدائرة اللى فيها قضيتك .
مثال : دائرة 88 عمال السبت يبقي انت لما تروح المحكمة علشان تتابع قضيتك وتعرف آخر قرار أو حكم بتدور علي السكرتير بالطريقة دي .
مثال : لو سمحت سكرتير دائرة 88 عمال يوم السبت موجود في الدور الكام ولما بتدخل تتعامل معاه في مكتبه بتسألة عن الأجندة برقم الدائرة وتاخدها وتدور علي قضيتك بتاريخ الجلسة بتاعتك وبرقم القضية وأسماء الخصوم .
وطول ما الدعوي متداولة هو اللي بيبقي معاه ملف القضية كله ولو محتاج صوره ضوئية أو رسمية من أي مستند بيبقي من عنده .
وده باختصار شديد أهم اختصاصات القلمين✏✏ اللي اتكلمت عنهم
ملحوظة 🚫
في بعض الإجراءات البسيطة اللى بتبقى مختلفة من محكمة لأخرى بس ده الشائع في الأغلب
وربنا يوفقنا جميعا 😃😃
#جدول_عام
#منصة_تعليمية
#شباب_المحامين
