#الهيكل_التنظيمي_للمحاكم (3)
السلام عليكم ورحمة الله ,, اهلا بكم زملائي الاعزاء :)
انهارده هنكمل كلامنا عن الهيكل التنظيمي للمحاكم
وهنتكلم عن القلم الجنائي وهو من الاقلام الرئيسية اللي بنتعامل معاها يوميا في المحكمة 📆
وهنبتدي بالتسلسل الوظيفي من الاعلي للاقل كالعادة ✋
علشان نفهمه صح وويثبت في ذهننا
اولا : رئيس القلم الجنائي
"وهو المسئول عن القلم الجنائي بجميع موظفيها "
💡 وظيفة ومهام رئيس القلم :
1-الاشراف علي جميع الاقلام الاخري التي يرئسها
قلم التنفيذ + قلم الحدول+ قلم السكرتارية+ قلم الصور+قلم الحفظ
(لو وجهتك مشكلة مع اي موظف من دول بتدخل لرئيس القلم ولو متحلتش ادخل لرئيس النيابة )
2- يستقبل جميع الطلبات اللي حضرتك بتقدمها ويرجعها ويعرضها علي رئيسى النيابة ليأخذ التاشيرة (الموافقة) عليها ويمضي عليها بعد الانتهاء منها ويختمها ختم النسر
📌 خد بالك التفاصيل ده خاصة به فقط (بيبقي معاه هو بس )
ثانيا : السكرتارية (الجلسات)
"هو الموظف اللي بيحضر الجلسات وبيثبت حضور حضرتك في محضر الجلسة وبكتب ورا القاضي كل ما يتم اثناء الانعقاد "
💡 حضرتك ممكن تتعامل معاه في اية ؟؟؟؟؟؟؟
📌 معرفة الحكم او القرار اللي القاضي قاله بعد الجلسة من خلال الاجندة الخاصة بالدائرة .
📌اخذ المعلومات منه بيكون علي طلب سواء بتصريح المحكمة بشىء معين
📌 اخذ صورة رسمية من محضر الجلسة
📌 سحب المستندات الاصلية المقدمة اثناء سير الدعوي بعد الانتهاء منها
وده باختصار شديد
ثالثا : قلم الجدول
اتكلمنا عنه قبل كده في القلم المدني بس المره دي هنتكلم بالتفصيل اكتر شوية عنه
بيبقي معاه دفاتر عن كل سنه متسجل فيها كل قضية واية اللي تم فيها من اجراءات واحكام وغالبا علشان عدد القضايا بيبقي كبير بيبقي معاه دفاتر سنتين او ثلاثة بالكتير مثال (2018 \2017 \2016)
طب لو القضية بتاعتك قبل التواريخ دي هتلاقيها في قلم الحفظ (اسمه حفظ علشان بيحفظ القضايا القديمة)
💡 ممكن تتعامل مع قلم الجدول في ايه؟؟؟
📌اخذ معلومات من واقع الدفتر من القضية الخاصة بحضرتك مثال(تاريخ جلسة الحكم ومنطوق الحكم واخر اجراء تم في القضية )
📌كتابة الشهادات اللي حضرتك بتقدم طلب بيها لرئيس القلم الجنائي وبيكتب الشهاده من واقع الدفتر الخاص بالقضية مثال(شهاده بعمل معارضة كأخر اجراء في القضية
"مهمة الشهاده هنا ان موكلك اللي هو المتهم تبقي معاه علشان لو حد كشف عليه في كمين وتظهر القضية اللي عليه يقولهم انا عامل معارضة في الحكم الغيابي ويسبوه يمشي "
رابعا : قلم الصور
💡وظيفتة اتكلمنا عنها قبل كده في بوست القلم المدني
( وبأختصار دوره انه بيسجل عنده في الدفتروبيقوم باعطاء رقم علي المستند اللي معاك و اي مستند رسمي بتقدم علي استخراجه من القلم الجنائي )
خامسا : التنفيذ
💡التنفيذ ما هو الا موظف التنفيذ المسئول عن التقرير بالمعارضات والاستئنافات في المحكمة بالاضافة انه المسؤول عن ارسال ارقام حصر المحابيس والغرامات للقسم .
استنونا في بوست قادم يوم الاحد علشان نكمل باقي الهيكل التنظيمي للمحاكم .. بس هيكون مفاجئة 🎁
نظرا لانشغال الاستاذ اسلام تم النشر بواسطتي فقط .. شكرا استاذ اسلام علي المجهود <3
#جدول_عام
#منصة_تعليمية
#شباب_المحامين
