السلام عليكم :)
بداية احنا هنبدأ في سلسلة بوستات بتتكلم عن الهيكل التنظيمي للمحاكم
(موضوع مهم جدا بيواجه معظمنا في البداية)
هنبدأ من تحت الصفر علشان نتأسس صح 👍
فنرجوا من الزملاء زوي الخبرة يتحملونا واهو نراجع المعلومة سوا✋
من المهم جدا إن حضرتك لما تنزل المحكمة تبقي فاهم بتتكون من ايه علشان متحسش بالتوهه اللي انا شخصيا وجهتا في الأول 😁
عندنا أشكال مختلفة من المحاكم :
الجزئية - الابتدائية - الاستئناف - النقض
الأسرة - الاقتصادية - مجلس الدول - الدستورية
امن الدولة - العسكرية
هنتكلم عن أول 4 دلوقتي علشان متشابهين الي حد كبير في التكوين وفي اغلب الاحيان بيطلق عليهم مصطلح "القضاء العادي"
أي محكمة من دول بتتكون من :
1⃣ ثلاث مكاتب 🏦 :
- مكتب رئيس المحكمة
- مكتب رئيس النيابة
- مكتب المحامي العام
2️⃣ اربع أقلام ✏ :
1- قلم الكتاب
2- القلم المدني
3- القلم الجنائي
4- قلم المحضرين
3️⃣ خمس مرافق 🔛 :
📌 القاعات
📌 غرف المداولة
📌 الخزنة
📌 حرس المحكمة
📌 الحبسخانة
4️⃣ نقابة المحامين ⚖ :
علي حسب كل محكمة بها كام غرفة للسادة المحامين
في النهاية يراعي ان تشكيل المحاكم له اعتبارات كثيرة ,, هتلاقي محاكم جزئية مفيهاش مكتب امامي ولا يوجد محامي عام مثلا واخري تجد فيها مكتب امامي فقط وهكذا :)
البوست ده اساس اساس تشكيل المحاكم بدرجاتها الاربعة .. هنعتمد ان كل بوست يكون مبني علي اللي قبله .. وان المعلومة تكون مترتبة صح .
وعلشان الكلام يكون قانوني اللي فوق ده فهم لـنصوص قانون السلطة القضائية اللي علي اساسه بيتم تنظيم المحاكم المصرية .. احنا هناخد منه فقط ما يفيد المحامي المبتدئ :)
انتظرونا في بوستات قادمة عن الهيكل التنظيمي ومع كل بوست هنتعمق اكثر في المعلومة لحد ما نعرف كل موظف بنعمل عنده ايه ونربطه بالاعمال الخاصة باعمالنا في المحاماه .
#الهيكل_التنظيمي #المحاكم_المصرية #المحاماه #المحامي #القانون
#جدول_عام
#منصة_تعليمية
#شباب_المحامين
