السلام عليكم ورحمة الله :)
انت كمحامي لسه في بداية عملك في المحاماه محتاج تركز تعرف الخطوط العريضة وتبقي راسخة في ذهنك .. وبعد كدة تبدأ في تحصيل اكبر قدر من المعلومات اللي تقدر تسكنها (تضعها) فيما بعد في المكان الصح ✔️
امثلة عملية :
لو انت عندك معلومة اسمها "المعارضة" انت يمكن تكون عارف ايه هي وبتتعمل ازاي .. بس هل عارف مكانها فين في "الدعوي الجنائية" ؟!
انت ممكن يكون عندك معلومة اسمها "اجل لضم المفردات" عارف ايه هي وبتتعمل ازاي .. بس هل يا تري انت عارف مكانها فين بالظبط في "الدعوي المدنية" ؟!
هنا اقدر اقولتك بكل ثقة
انك محتاج فعلا تتعامل في بداية عملك بـ "استراتيجية الخطوط العريضة" ⏸
وده اللي من اول يوم بنحاول نعمله مع حضراتكم علشان نقدر نساعد بحق وحقيقي في تأسيس فكر #المحامي_المبدع 👔وخلينا ناخد الدعوي المدنية كنموذج .
الخطوط العريضة في الدعوي المدنية علي سبيل المثال :
📌قراءة عن الدعوي ومعرفة الموقف القانوني
📌قيد الدعـــــــــــــــــوي لدي المكتب الامامي
📌اعلان الخصوم بأصل صحيفة الدعــــــــوي
📌حضور الجلسة وتقديم حوافظ المستـــــندات
📌تدوال الجلسات ومعرفة قرارات كل جلســة
📌 تقديم مذكرة بدفاع وحجز الدعــــوي للحكم
( الدراسة - الايداع - الاعلان - الإفتتاح - التداول - الحكم)
في كل مرحلة من المراحل الخمسة في تفاصيل كتيير .. ومعلومات ضخمة السبيل الوحيد لتعلمها واتقانها الممارسة .. لكن قبل الممارسة يقع عليك انت كمحامي انك تحفظ المراحل ده كويس وتعرفها بتسلسلها علشان بعد كدة اي معلومة تحصل عليها تقدر تحطها في المكان الصح ✔️
معلومة علي الهامش :
المحاماه رسالة لكنها تلبس ثوب المهن .. وكل مهنة ليها اصول لما بتتعلمها صح بتقدر مع الوقت تطور من نفسك بشكل سريع .. مهنة المحاماه في اعتقادي مهنة اصولها العامة بسيطة جدا .. لكن تفاصيلها لا حصر لها .. ولو الاساس اتبني صح كل اللي بعد كدة مهما كان كتيير هيكون سهل وهتبقي المهنة ممتعة لابعد الحدود :)
وسيلتك الفعالة :
لو حابب تدور علي وسيلة فعالة تركيزك في الاول يكون علي الشق الاجرائي .. يعني لو في المدني هتركز علي "قانون المرافعات" قراءة ودراسة .. وفي الجنائي تركيزك علي "قانون الاجراءات" وهنا هتكون فاهم كويس مراحل سير اي دعوي .. وبالتوازي يكون في اطلاع علي اكواد القانون لانه الاساس في معرفة الحقوق .
البوست القادم هيكون مفاجئة 🎉 وان شاء الله موضوع مهم جدا لكل شباب المحامين محتاجين نتكلم عنه بشكل مختلف .. استنونا يوم الثلاثاء من كل اسبوع :)
#جدول_عام
#منصة_تعليمية
#شباب_المحامين
